"Berre kjærleik og død" på Trøndelag teater

I dag er det igjen duka for oppsettinga "Berre kjærleik og død" av Ingar Sletten Kolloen på Trøndelag teater. 

 

Det blir gjensyn med forestillinga om diktaren Tor Jonsson og møtet hans med Ruth Alvsen, 17 år etter urpremieren i Teaterkjelleren.

 

Sidan den gong har "Berre kjærleik og død" vore spelt over 60 gonger, på fleire scener i landet. I fjor var det jubileumsforestilling i høve 100 års jubileet til Tor Jonsson, og stykket vart vist bl.a. på Diktardagar, Norsk Litteraturfestival og under Kulturnatt i Trondheim. Nå er oppsettinga attende der det heile starta – i Teaterkjelleren på Trøndelag Teater.

 

Tor Jonsson innleia eit forhold til journalisten Ruth Alvsen i 1950, og tok livet sitt berre eit halvt år seinere, 35 år gammal. Vi møter Ruth Alvsen kort tid etterpå der ho leitar etter svar på kvifor det gjekk som det gjekk. Gjennom leitinga hennar blir mennesket og diktaren Tor Jonsson løfta fram.

 

Under det heile dirrar tre spørsmål: Skriv Tor Jonsson frå første stund forteljinga om eit varsla sjølvmord? Kvifor tok han sitt eige liv? Og kunne nokon hindra det?

 

Stykket vert vist til og med 21. oktober i Teaterkjellaren. http://www.trondelag-teater.no/forestillinger/berre-kjaerleik-og-dod/